Ashtavinayaka Tujha Mahima Kasa Lyrics In Marathi, Ashtavinayaka Tujha Mahima Kasa Is A Latest Ganesh Bhajan/Devotional Song. Sung By Anuradha Paudwal, Milind Ingle, Chandrashekhar. And Shri Ganesh Ji Always Keeps His Blessings On His Devotees.
Ashtavinayaka Tujha Mahima Kasa Lyrics
अष्टविनायका तुझा महिमा कसा
दर्शनाचा लाभ घ्यावा भक्तांनी असा
गणपती पहिला गणपती
मोरगावचा मोरेश्वर लई मोठं मंदिर
अकरा पायरी हो अकरा पायरी हो
नंदी कासव सभामंडपी नक्षी सुंदर
शोभा साजरी हो शोभा साजरी हो
मोरया गोसाव्यानं त्याचा घेतला वसा
अष्टविनायका तुझा महिमा कसा
गणपती दुसरा गणपती
थेऊर गावचा चिंतामणी
कहाणी त्याची लई लई जुनी
काय सांगू आता काय सांगू
डाव्या सोंडेचं नवाल केलं साऱ्यांनी
ईस्तार ह्येचा केला थोरल्या पेशव्यांनी
रमाबाईला अमर केलं वृंदावनी
जो चिंता हरतो मनातली तो चिंतामणी
भगताच्या मनी त्याचा अजुनी ठसा
अष्टविनायका तुझा महिमा कसा
गणपती तिसरा गणपती
सिद्धिविनायका तुझा सिद्धटेक गाव रं
पायावरी डोई तुझ्या भगताला पाव रं
दैत्य मधु-कैटभानं गांजलं हे नगर
ईष्णूनारायण गाई गणपतीचा मंतर
राकूस मेलं नवाल झालं
टेकावरी देऊळ आलं
लांबरुंद गाभाऱ्याला पितळेचं मखर
चंद्र सूर्य गरुडाची भवती कलाकुसर
मंडपात आरतीला खुशाल बसा
अष्टविनायका तुझा महिमा कसा
गणपती गणपती गं चौथा गणपती
बाई रांजणगावचा देव महागणपती
दहा सोंडा ईस हात जणू मूर्तीला म्हनती
गजा घालितो आसन डोळं भरून दर्शन
सूर्य फेकी मूर्तीवर येळ साधून किरण
किती गुणगान गावं किती करावी गणती
बाई रांजणगावचा देव महागणपती
पुण्याईचं दान घ्यावं ओंजळ पसा
अष्टविनायका तुझा महिमा कसा
गणपती पाचवा पाचवा गणपती
ओझरचा इघ्नेश्वर बाई लांब रुंद आहे मूर्ती
जडजवाहीर त्याचं काय सांगू शिरीमंती
डोळ्यामंदी माणकं हो हिरा शोभतो कपाळा
तहानभूक हरती हो सारा बघून सोहळा
चारीबाजू तटबंदी मधी गणाचं मंदिर
ओझरचा इघ्नेश्वर
इघ्नहारी इघ्नहर्ता स्वयंभू जसा
अष्टविनायका तुझा महिमा कसा
गणपती सहावा गणपती
लेण्याद्री डोंगरावरी नदीच्या तीरी
गणाची स्वारी तयाला गिरिजात्मज हे नाव
दगडमंदी कोरलाय भक्तिभाव
रमती इथं रंकासंगती राव हे जी
खडकांत केलं खोदकाम दगडांत मंडपी खांब
वाघ सिंह हत्ती लई मोठं, दगडांत भव्य मुखवट
गणेश माझा पुत्र असावा ध्यास पार्वतीचा
अन् गिरिजात्मज हा तिनं बनवला पुतळा मातीचा
दगड माती रूप देवाचं लेण्याद्री जसा
अष्टविनायका तुझा महिमा कसा
सातवा गणपती राया
महड गावाची महसूर
वरद विनायकाचं तिथं एक मंदिर
मंदिर लई सादसूद जसं कौलारू घर
घुमटाचा कळस सोनेरी
नक्षी नागाची कळसाच्या वरं
सपनात भक्ताला कळं
देवळाच्या मागं आहे तळं
मूर्ती गणाची पाण्यात मिळं
त्यानं बांधलं तिथं देऊळ
दगडी महिरप सिंहासनी या प्रसन्न मंगलमूर्ती
वरदानाला विनायकाची पूजा कराया येती हो
चतुर्थीला गर्दी होई रात्रंदिवसा
अष्टविनायका तुझा महिमा कसा
आठवा आठवा गणपती आठवा
पाली गावच्या बल्लाळेश्वरा
आदिदेव तू बुद्धिसागरा
स्वयंभू मूर्ती पूर्वाभिमुख
सूर्यनारायण करी कौतुक
डाव्या सोंडेचे रूप साजिरे
कप्पाळ विशाळ डोळ्यांत हिरे
चिरेबंद या भक्कम भिंती
देवाच्या भक्तीला कशाची भीती
ब्रम्हानंदी जीव होई वेडा की पिसा
अष्टविनायका तुझा महिमा कसा
मोरया मोरया मंगलमूर्ती मोरया
मोरया मोरया मयूरेश्वरा मोरया
मोरया मोरया चिंतामणी मोरया
मोरया मोरया सिद्धिविनायक मोरया
मोरया मोरया महागणपती मोरया
मोरया मोरया विघ्नेश्वरा मोरया
मोरया मोरया गिरिजात्मजा मोरया
मोरया मोरया वरदविनायक मोरया
मोरया मोरया बल्लाळेश्वरा मोरया
मोरया मोरया अष्टविनायक मोरया
We Hope This Article From “Ashtavinayaka Tujha Mahima Kasa Lyrics In Marathi/English” +Video Must Have Been Well-liked. What Do You Think About The Song Of “Ashtavinayaka Tujha Mahima Kasa Song”, You Must Tell Us By Commenting.
Visit AllHindiLyric.com For All Types Of Songs And Bhajans Lyrics + Videos.